TƏVƏKKÜL GORUSLU – GƏNC TURANIM

No Comments

GƏNC TURANIM
Bayrağında hilalıyla,
Haqqı güdən amalıyla,
Qol gücüylə, kamalıyla,
Bir- birindən güc alanım,
Özü ulu , gənc Turanım!
* * *
Biri igid, biri ərən,
Səmalardan ulduz dərən,
Neçə- neçə şəhid verən,
Qeyrətiylə öc alanım,
Özü ulu , gənc Turanım!
* * *
Həmlə edən, nərə çəkən,
Düşmənləri dizə çökən,
Bayraqları qoşa tikən,
Sevinc verib , qəm alanım,
Özü ulu, gənc Turanım!
* * *
İki dövlət, milləti tək,
Ənənəsi, adəti tək,
Zülmə kötək, dosta pətək,
Birləşibən bir olanım,
Özü ulu, gənc Turanım!
* * *
Güc-qüdrətin etdin bəyan,
Əzəmətin elə əyan,
Əbədiyyən qoşa dayan,
Qəlbi, nəbzi bir vuranım,
Özü ulu, gənc Turanım!
16.06.2021.

Müəllif: Təvəkkül GORUSLU

TƏVƏKKÜL GORUSLUNUN DİGƏR YAZILARI


YAZARLAR.AZ

===============================================

<<<<<<WWW.YAZARLAR.AZ və WWW.USTAC.AZ>>>>>>

Əlaqə:  Tel: (+994) 70-390-39-93     E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir